Wani Hari Ya Yi Sanadin Mutane 17 a Benue, Borno Ma Ta Fuskanci Harin Ƴan Ta’adda

Aƙalla mutane 17 ne suka mutu a wani hari da aka kai a yankin Mbalom na ƙaramar hukumar Gwer ta Gabas a Jihar Benue.

Shaidun gani da ido sun ce, maharan sun shiga yankin suna harbe-harbe tare da ƙona gidaje.

Lamarin ya janyo asarar dukiyoyi masu yawa tare da raba mutane da gidajensu.

Har yanzu ana ci gaba da neman wasu da suka ɓace bayan harin.

Hukumomi ba su fitar da cikakken bayani ba tukuna, amma ana sa ran za a ƙara tsaurara matakan tsaro.

Wannan hari ya sake janyo damuwa kan yawaitar hare-hare a yankin.

A wani lamarin na daban, ana zargin ƴan ta’addar Boko Haram sun kai hari a ƙauyen Awapul da ke Chibok a Jihar Borno.

Rahotanni sun ce, sun kai harin ne da misalin ƙarfe 1:30 na dare.

Mai magana da yawun ƴan sanda, Nahum Daso, ya tabbatar da harin amma ya ce babu asarar rayuka, sai dai an lalata shaguna tare da sace kayan abinci.