Tsohon mataimakin shugaban Najeriya Atiku Abubakar, ya yi gargaɗi kan abin da ya kira ƙoƙarin raunana demokaraɗiyya a Najeriya.
A wata sanarwa da mai taimaka masa kan hulɗa da jama’a, Phrank Shaibu, ya fitar, Atiku ya ce raba kayan abinci ba zai maye gurbin amincewar jama’a ba.
“Buhunan shinkafa ba za su iya tabbatar da nasara a zaɓe ba,” in ji shi.
Ya zargi gwamnatin Shugaba Bola Tinubu da ƙoƙarin mallake iko a hannunta, yana mai cewa hakan na barazana ga tsarin demokaraɗiyya.
Atiku ya ce duk da ƙarfin da gwamnati ke da shi, har yanzu tana nuna fargaba kan tasirin ƴan adawa.
Ya kuma nuna damuwa kan yadda ake amfani da hukumomi wajen matsa lamba ga ƴan siyasa a Najeriya.
Ya ambaci sunayen wasu fitattun ƴan siyasa da ke fuskantar ƙalubale a ƙasar, yana mai cewa hakan na nuna cewa demokaraɗiyya na cikin haɗari.
“Dimokaraɗiyya ba ta kamata ta zama wasa ba,” in ji shi.
Ya buƙaci ƴan Najeriya su kasance masu lura sosai yayin da zaɓen 2027 ke ƙaratowa.
Masana na ganin cewa, kalaman Atiku na nuna damuwar da ke ƙaruwa a fagen siyasar Najeriya, inda ake ci gaba da zargin gwamnatin Tinubu da ƙoƙarin murƙushe adawa.